MDF vs. გაზეთი „რეზონანსი“

 ჟურნალისტური ეთიკის ქარტიის საბჭომ გაიზიარა MDF-ის მოსაზრება, რომ 17 მაისს გამოქვეყნებული სტატიით „ქართულ მიწებს არაბები, ინდოელები ირანელები და თურქები ინაწილებენ" ავტორმა, მარი ჩიტაიამ და "რეზონანსის” რედაქციამ დაარღვია ჟურნალისტური ეთიკის ქარტიის პირველი (სიზუსტე) და მე-7 (დისკრიმინაცია) მუხლები.

ქარტიის პირველი მუხლის თანახმად, ჟურნალისტმა პატივი უნდა სცეს საზოგადოების უფლებას - მიიღოს ზუსტი ინფორმაცია.ხოლო მე-7 მუხლის მიხედვით,"ჟურნალისტს უნდა ესმოდეს მედიის მიერ დისკრიმინაციის წახალისების საფრთხე; ამიტომ ყველაფერი უნდა იღონოს ნებისმიერი პირის დისკრიმინაციის თავიდან ასაცილებლად რასის, სქესის, სექსუალური ორიენტაციის, ენის, რელიგიის, პოლიტიკური და სხვა შეხედულებების, ეროვნული ან სოციალური წარმოშობის საფუძველზე ან რაიმე სხვა ნიშნით".

საბჭომ არ დაადგინა დარღვევა ქარტიის 3-მე პრინციპზე, რომელიც ფაქტის განზრახ დამახინჯებას ითვალისწინებს.

2017 წლის 17 მაისს, გაზეთ „რეზონანსის" ბეჭდურ გამოცემასა და ონლაინ პლატფორმაზე გამოქვეყნდასტატია„ქართულ მიწებს არაბები, ინდოელები ირანელები და თურქები ინაწილებენ". აღნიშნულ პუბლიკაციასთან დაკავშირებით 29 მაისს მედიის განვითარების ფონდმა (MDF) საქართველოს ჟურნალისტური ეთიკის ქარტიას საჩივრით მიმართა და გაზეთ "რეზონანსის” მიერ ჟურნალისტური ეთიკის ქარტიის პირველი (სიზუსტე), მესამე (წყაროების სიზუსტე) და მე-7 (დისკრიმინაცია) პრინციპების დარღვევის შესწავლა მოითხოვა.

MDF-ის აზრით, გაზეთ "რეზონანსის” სტატიის „ქართულ მიწებს არაბები, ინდოელები ირანელები და თურქები ინაწილებენ" შინაარსი ქსენოფობიური ხასიათისაა და დისკრიმინაციის წახალისების საფრთხის მატარებელია. კერძოდ, ჟურნალისტი უცხოელებზე მიწების გასხვისებას საფრთხის კონტექსტში განიხილავს და თან ამას გადაუმოწმებელი და დაუზუსტებელი ინფორმაციის ("გავრცელებული ინფორმაციით”) საფუძველზე აკეთებს. კერძოდ, ჟურნალისტი აცხადებს:„გავრცელებული ინფორმაციით, მცხეთაში შესაძლოა 3-4 ახალი სოფელი გაშენდეს, რომლებიც უცხოელი მოქალაქეებით იქნება დასახლებული. ეს არ არის გამონაკლისი. მსგავსი საფრთხე დიდია სამეგრელოში, გურიასა და კახეთის რამდენიმე სოფელში, სადაც ქართულ მიწებს ინდოელები, ირანელები, ბურები, თურქი და ჩინელი მოქალაქეები ეუფლებიან."

ქსენოფობიურია ასევე სტატიის სათაური, რომელიც არაბებს, ინდოელებს, ირანელებსა და თურქებს ქართული მიწის მიმთვისებლებად წარმოაჩენს ("ქართულ მიწებს არაბები, ინდოელები, ირანელები და თურქები ინაწილებენ”).

მასალაში მგძნობიარე თემის გაშუქებისას ადგილი აქვს არასათანადო წყაროების გამოყენებასა და ფაქტობრივ უზუსტობას, რაც პირველწყაროზე (IPN) გამოქვეყნებული გარდაბნის გამგებლის გოჩა ჯამარაულის ციტატის შინაარსისა და კონტექსტის შეცვლაში გამოიხატება. კერძოდ სოფელ კუმისში მოსახლეობის პროტესტის გაშუქებისას, "რეზონანსი” IPN-ზე დაყრდნობით გარდაბნის მუნიციპალიტეტის გამგებლის გოჩა ჯამარაულის განცხადებას ავრცელებს, რომელიც ორიგინალისგან განსხვავებით არაზუსტია. კერძოდ, რეზონანსის ვერსიაში წერია:„ეს მიწები 2008 წელს იყიდეს ერთმა ქართველმა და ერთმა არაბმა ბიზნესმენმა, რომელიც ასევე არის საქართველოს მოქალაქე. შემდეგ გაასხვისეს. ყიდვაც სწორად შედგა და გაყიდვის პროცესიცარაკანონიერი იყო..."(რეზონანსი 18.05.2017). რეზონანსის მიერ პირველწყაროდ მითითებულ სააგენტოIPN-ზეკი მუნიციპალიტეტის გამგებელი კი სრულიად განსხვავებული შინაარსის განცახდებას აკეთებს:„ეს მიწები 2008 წელს იყიდეს ერთმა ქართველმა და ერთმა არაბმა ბიზნესმენმა, რომელიც ასევე არის საქართველოს მოქალაქე. შემდეგ გაასხვისეს. ყიდვაც სწორად შედგა და გაყიდვის პროცესიცკანონიერი იყო..". (IPN 15.05.2017)

რეზონანსის ბეჭდურ და ონლაინ გამოცემაში გოჩა ჯამარაულის ციტატაში სიტყვა „კანონიერი" შეცვლილია „არაკანონიერით", რაც არსობრივად ცვლის განცხადების შინაარს და წინააღმდეგობაშია ქარტიის პირველ და მე - 3 პრინციპებთან.

ჟურნალისტური ეთიკის ქარტიამ 30 ივნისს გამართულ სხდომაზედააკმაყოფილამედიის განვითარების ფონდის (MDF) საჩივარიგაზეთ "რეზონანსის" წინააღმდეგ.