ფოტო პირველად კომპანიის ბრიტანულ ვებ-გვერდზე გასულ შაბათ კვირას გამოჩნდა. "ჰუდის" H & M -ის ბრიტანულ ქსელში გაყიდვის შემდეგ, მომხარებლები სოციალურ მედიაში პროდუქტის გაყიდვიდან ამოღებასა და  გამოძიებას მოითხოვდნენ.
2018 წლის 8 იანვარს  H & M-მა ბოდიში მოიხადა გამოქვეყნებული ფოტოს გამო და სარეკლამო მოდელის ფოტო ვებ-გვერდიდან წაშალა.   CBS MoneyWatch-თან გაგზავნილ წერილში კი აღნიშნა, რომ კომპანია მრავალფეროვნებისა და ინკლუზიურობის ერთგულია და ორგანიზაციის შიდა წესები გადაიხედება. 
ბრენდის ოფიციალურ ვებ-გვერდზე მწვანე ჰუდის ფოტო მოდელი ბავშვის გამოსახულების გარეშე გასაყიდად ისევ ხელმისაწვდომია. 
H & M ერთადერთი მსხვილი კომპანია არაა, რომელიც რასიტული მოტივით სარეკლამო სკანდალში გაეხვა.  ესპანურმა ტანსაცმლის ბრენდმა ,,Zara”-მ 2014 წელს ზოლიანი პიჟამა ყვითელი ვარსკვავით გაყიდვიდან ებრაელი პატიმრების მიერ საკონცენტრაციო ბანაკებში ტანსაცმლისადმი მსგავსების გამო ამოიღო. 
გასული წლის ოქტომბერში კი  კომპანია DOVE-მ ბოდიში მოიხადა რასისტული კომერციული ჩვენების გამო, სადაც ჰიგიენური მოვლის საშუალების გამოყენების შემდეგ ფერადკანიანი ქალი თეთრი გახდა.